Banqladeşdə məhkəmə keçmiş baş nazir Şeyx Hasinanı, bacısı Şeyx Rehananı və qardaşı qızı – Britaniya parlamentinin üzvü Tulip Siddiqi korrupsiya ittihamı ilə həbs cəzasına məhkum edib.
"Operativ Məlumat Mərkəzi-OMM" xarici KİV-ə istinadən xəbər verir ki, Hasina 5 il, bacısı 7 il, Tulip Siddiq isə 2 il həbs alıb.
İş Purbaçoldakı Rajuk Yeni Şəhər layihəsi üçün torpaq ayrılması zamanı yol verilən qanunsuzluqlarla bağlıdır. Prokurorlar torpağın qanunsuz əldə edildiyini bildirir.
Bu, Hasinaya qarşı çıxarılan son aylardakı ikinci hökmüdür – ötən həftə o, daha üç ittihama görə 7 il cəza almışdı. Noyabrda isə Beynəlxalq Cinayət Tribunalı onu soyqırımı və insanlığa qarşı cinayətlərə görə qiyabi ölüm cəzasına məhkum edib.
Şeyx Hasina 2024-cü ilin avqustundan Hindistandadır və ölkəsindəki kütləvi iğtişaşlardan sonra qaçıb. Dəkkə onun ekstradisiyasını tələb edir.
