Banqladeşdə hökumətə qarşı keçirilən etiraz aksiyaları zamanı etirazçılarla polis arasında son 2 gündə yaranmış qarşıdurma ölənlərin sayı 90-ı ötüb.
"Operativ Məlumat Mərkəzi-OMM" xarici KİV-ə istinadən xəbər verir ki, ölənlərdən 13-ü polis əməkdaşıdır.
Onlar Siracqanc şəhərində minlərlə şəxs polis məntəqəsinə hücum edən zaman öldürülüblər.
Ümumilikdə, aksiyalar başlayandan indiyə kimi polislə qarşıdurmada 280-dən çox şəxs öldürülüb, 10 min adam həbs olunub.
Hərəkat liderləri bütün ölkədə mülki itaətsizliyə çağırış etdikdən sonra iğtişaşlar daha kəskin xarakter alıb. Etirazçılar baş nazir Şeyx Həsinənin istefasını tələb edirlər. Hökumət bütün ölkədə komendant rejimi elan edib.
Birləşmiş Millətlər Təşkilatı insan hüquqları qurumları Banqladeş xalqı və təhlükəsizlik qüvvələrini zorakılıq törətməkdən çəkinməyə çağırıb.
Qeyd edək ki, etirazçılar bu gün üçün paytaxt Dəkkədə daha bir genişmiqyaslı yürüş planlaşdırıblar. Etirazlar hökumət işləri üçün müəyyən edilən kvotalara görə başlayıb. Banqladeşdə hökumət işlərinin 30 faizi 1971-ci ildə müstəqillik müharibəsində döyüşən veteranların qohumları üçün nəzərdə tutulurdu. Hərəkat Ali Məhkəmə tərəfindən kvotanın 5 faizə endirilməsinə nail olub.
