OMM Redaksiyası
İstanbulda keçirilən peşəkar boks gecəsində Fransa təmsilçisi, Azərbaycan əsilli Murad Əliyevlə Türkiyə idmançısı Umut Çamkıran arasında qarşılaşma baş tutub. WBC Silver versiyası üzrə ağır çəkidə çempionluq kəməri uğrunda keçirilən döyüşdə Əliyev rəqibini xallar hesabına məğlub edib.
Qarşılaşmanın nəticəsindən sonra rinqdə insident yaşanıb. Murad Əliyevin tribunadakı azarkeşlərə yönələn hərəkəti yerli tamaşaçıların etirazına səbəb olub.
Etiraz edən bir qrup azarkeş rinqə çıxaraq qalib boksçuya fiziki hücum edib. Bundan sonra rinqdə kütləvi qarşıdurma yaranıb.
Beləliklə, Əliyevin çempionluq kəmərini qazandığı döyüşdən sonra diqqət idman nəticəsi ilə yanaşı, qarşılaşmanın ardınca baş verən insidentə yönəlib. Murad Əliyev Umut Çamkıranı xallarla məğlub etsə də, görüş qalib boksçuya edilən hücumla yekunlaşıb.
