Banqladeşdə hüquq-mühafizə orqanları dövlət vəzifələrinə işə götürmək üçün kvota sisteminə qarşı etiraz aksiyalarında iştirak edən mindən çox insanı saxlayıb.
"Operativ Məlumat Mərkəzi-OMM"-in xəbərinə görə, Dəkkədə 500-dən çox, ölkənin mərkəzi hissəsindəki Narayanqanc və Narsinqdi rayonlarında isə 200 nəfər həbs edilib.
Saxlanılanların ümumi sayı 1100 nəfərdir.
Etiraz hərəkatının liderlərindən biri daha əvvəl toqquşmalarda çox sayda insan itkisi olduğu üçün nümayişlərin 48 saat dayandırılacağını bildirmişdi. Toqquşmalarda bir neçə polis əməkdaşının da olduğu azı 163 nəfərin həyatını itirdiyi məlum olub. Yerli hərbi rəsmilərin sözlərinə görə, hazırda ölkədə vəziyyət nəzarət altındadır.
