OMM Redaksiyası
İrəvanda TRIPP layihəsi çərçivəsində Bakı ilə birbaşa dəmir yolu əlaqəsinin yaxın bir neçə il ərzində qurulacağına ümid edilir.
"Operativ Məlumat Mərkəzi-OMM"-in Ermənistan mediasına istinadən verdiyi məlumata görə, bu barədə ölkənin iqtisadiyyat naziri Gevorq Papoyan mətbuat konfransında açıqlama verib.
Nazir bildirib ki, Azərbaycanla birbaşa dəmir yolu əlaqəsi tam açılana qədər alternativ nəqliyyat və logistika marşrutlarından da istifadə oluna bilər.
Papoyanın sözlərinə görə, proses kifayət qədər mürəkkəbdir və zaman tələb edir:
“Hazırda ölkələr arasında aktiv ticarət əlaqələri mövcud deyil. Bunun bir neçə səbəbi var – bazarlar bir-birinə hələ tam tanış deyil və ticarət münasibətlərinin formalaşması vaxt aparır”.
O qeyd edib ki, dövlət öz səlahiyyətləri çərçivəsində siyasi razılaşmaların əldə olunması, yolların açılması və dəmir yolu xətlərinin istismara verilməsi istiqamətində addımlar atmaqla ticarət üçün zəruri şərait formalaşdırır.
