OMM Redaksiyası
Serbiyanın Novi Sad şəhərində atıcılıq üzrə keçirilən 16-cı Avropa çempionatında uğurla çıxış edən Azərbaycan idmançıları Vətənə qayıdıblar.
Heydər Əliyev Beynəlxalq Hava Limanında idmançıları ailə üzvləri və Deflimpiya Komitəsinin nümayəndələri qarşılayıblar.
Çempionatın 10 metr məsafəyə pnevmatik tapançadan atəş açma yarışında doqquz ölkəni və bir neytral komandanı təmsil edən 21 idmançı mübarizə aparıb.
Final mərhələsində Azərbaycanı iki idmançı təmsil edib. Deflimpiya yığmasının üzvü Əli İskəndərli üçüncü, Nicat Əzimov isə beşinci pillədə qərarlaşıb.
