"Silk Way" aviaşirkətinə məxsus "Ilyushin Il-76TD-90VD" yük təyyarəsi son beş gün ərzində Azərbaycan və İsrail arasında beş reys həyata keçirib.
“Operativ Məlumat Mərkəzi-OMM” xəbər verir ki, əldə olunan məlumatlara əsasən, uçuşlar Bakıdan İsrailin ən böyük hərbi obyektlərindən biri hesab edilən "Nevatim" aviabazasına istiqamətlənib.
Qeyd edək ki, cari ilin əvvəlindən etibarən "Silk Way" aviaşirkətinin təyyarələri Azərbaycan və İsrail arasında ümumilikdə azı 57 uçuş icra edib. Məlumata görə, bu göstərici iki ölkə arasında yükdaşıma və logistika fəaliyyətinin davamlı şəkildə həyata keçirildiyini nümayiş etdirir.
