Azərbaycanda faktiki hava şəraiti açıqlandı: fevralın 11-i axşam saatlarından etibarən ölkə ərazisində yağıntı kəsilib və hava şəraiti mülayimləşib.
"Operativ Məlumat Mərkəzi-OMM" xəbər verir ki, bu barədə Milli Hidrometeorologiya Xidmətinin fevralın 12-si saat 11:00-a olan məlumatında qeyd edilib.
Düşən yağıntının miqdarı Neftçalada 14 mm, Beyləqanda 5 mm, Lənkəranda 4 mm təşkil edib. Mingəçevir, Yevlax, Kürdəmir, Balakən və Zaqatalada 3 mm, Göyçayda 2 mm qeydə alınıb.
Eyni zamanda Ordubad, Sədərək, Naxçıvan, Şərur, Naftalan, Oğuz, Zərdab, Sabirabad və Abşeron yarımadasının bəzi yerlərində yağıntı 1 mm olub.
Qar örtüyünün hündürlüyü ən çox Şahbuzda 49 sm və Kəlbəcərdə 40 sm olaraq qeydə alınıb. Laçın və Qubadlıda 33 sm, Qaxda (Sarıbaş) 29 sm, Biləsuvarda 23 sm, Daşkəsəndə 19 sm, Şuşada 15 sm, Gədəbəydə 14 sm-ə çatıb.
Digər ərazilərdə qar örtüyü aşağıdakı kimidir: Cəlilabad və Yardımlıda 10 sm, Xankəndidə 7 sm, Astara və Ağdamda 6 sm, Xocalı və Qubada 5 sm, İmişli və Şəkidə (Kişçay) 4 sm, Lerikdə 3 sm, Füzulidə 2 sm, Qəbələ, Qobustan və Xaltanda 1 sm.
Hazırda Naxçıvan, Daşkəsən, Gədəbəy, Şəmkir, Qax (Sarıbaş), Şəki, Qəbələ, Şamaxı, Qobustan, Quba, Göyçay və Lerikdə duman müşahidə olunur. Yollarda görünüş məsafəsi 500 metrədək məhdudlaşır.
