Fevralın 4-də Bakıda və Abşeron yarımadasında hava arabir yağışlı olacaq, bəzi yerlərdə isə yağışın intensivləşəcəyi ehtimalı var.
"Operativ Məlumat Mərkəzi-OMM" xəbər verir ki, bu barədə Milli Hidrometeorologiya Xidməti məlumat yayıb.
Ayrı-ayrı bölgələrdə sulu qar və qara müşahidə oluna bilər. Proqnozlara əsasən, şimal-qərb küləyi gündüz ərzində güclü əsəcək.
Havanın temperaturu gecə və gündüz 1-5 dərəcə isti təşkil edəcək. Atmosfer təzyiqi 758-767 mm civə sütunu arasında dəyişəcək, nisbi rütubət isə 80-90 faiz səviyyəsində olacaq.
Rayonlarda isə bəzi ərazilərdə qar və yağışın arabir müşahidə olunacağı gözlənilir. Ayrı-ayrı yerlərdə yağışın intensiv olma ehtimalı var, bəzi bölgələrdə isə duman əmələ gələcək. Qərb küləyi bəzi rayonlarda arabir güclənəcək.
Havanın temperaturu rayonlarda gecə 2-6, gündüz 7-12 dərəcə isti olacaq. Dağlıq ərazilərdə isə gecə və gündüz temperaturu -2 dərəcədən +3 dərəcəyədək dəyişəcək.
