OMM Redaksiyası
Prezident İlham Əliyev Azərbaycanda keçiriləcək 15 yaşınadək oğlanlar arasında ilk futbol üzrə dünya çempionatı və festivalı ilə bağlı viza prosedurlarının sadələşdirilməsi barədə sərəncam imzalayıb.
"Operativ Məlumat Mərkəzi-OMM" xəbər verir ki, 22 sentyabr–5 noyabr 2026-cı il tarixlərində turnirlə əlaqədar Azərbaycana gələn əcnəbilər və vətəndaşlığı olmayan şəxslər beynəlxalq hava limanlarında viza ala biləcəklər.
Bunun üçün AFFA-nın rəsmi dəvət məktubu və ya FIFA qaydalarına uyğun elektron qeydiyyat sistemində akkreditasiyanı təsdiqləyən sənədlərdən biri təqdim edilməlidir.
Həmçinin turnirlə əlaqədar Azərbaycana gələn şəxslərin “ASAN Viza” sistemi ilə elektron viza almaq imkanı barədə məlumatlandırılması təmin ediləcək.
