OMM Redaksiyası
Qadın futbolçulardan ibarət Azərbaycan millisinin 2027-ci il UEFA Millətlər Liqasının qrup mərhələsindəki oyunlarının təqvimi müəyyənləşib.
Baş məşqçi Siyasət Əsgərovun rəhbərlik etdiyi komanda C Liqasının ikinci qrupunda Latviya, Gürcüstan və Lixtenşteyn yığmaları ilə mübarizə aparacaq.
Azərbaycan millisi martın 2-də evdə Lixtenşteyni qəbul edəcək, martın 6-da isə səfərdə Gürcüstanla qarşılaşacaq. Aprelin 20-də yığma Latviyaya səfər edəcək, aprelin 24-də isə Gürcüstanla ev oyununa çıxacaq.
Komanda iyunun 11-də evdə Latviya ilə, iyunun 15-də səfərdə Lixtenşteynlə üz-üzə gələcək.
