OMM Redaksiyası
Azərbaycan gimnastları Slovakiyanın Bratislava şəhərində keçirilən “Slovak Trampoline Open Cup” beynəlxalq turnirində yeddi medal qazanıblar.
Sentyabrın 25-dən 28-dək davam edən yarışda Əli Niftəliyev və İbrahim Mustafazadə sinxron proqramda 39.600 xalla qızıl medala sahib olublar.
İkili mini-batut proqramında Çingiz Vəliyev 49.300 xalla, Vəfa Əlisultanova isə 44.000 xalla birinci yeri tutublar.
Fərdi proqramda İbrahim Mustafazadə 51.710 xalla, Fərhad Vəliyev isə 51.800 xalla gümüş medal qazanıb.
Əli Niftəliyev fərdi çıxışda 51.499 xalla, Fərhad Vəliyev isə ikili mini-batut proqramında 46.000 xalla bürünc mükafata layiq görülüb.
