OMM Redaksiyası
Qılıncoynatmanın şpaqa növü üzrə Azərbaycan millisinin üzvü Vahab Fətullayev Budapeştdə keçirilən “Kadet-Junior Párbajtőr Magyar Kupa 3” turnirində bürünc medal qazanıb.
Gənc oğlanların şəxsi yarışında 149 idmançı mübarizə aparıb. Azərbaycan təmsilçisi qrup mərhələsində keçirdiyi altı görüşün hamısında qalib gəlib.
Fətullayev pley-off mərhələsində Çin və Macarıstan təmsilçilərinə qalib gələrək yarımfinala yüksəlib. O, 1/4 finalda Kubinger Akosu 15:10 hesabı ilə məğlub edib.
Azərbaycanlı şpaqaçı yarımfinalda Edmond Ventzelə 13:15 hesabı ilə uduzub və turniri üçüncü pillədə başa vurub. Yarışda Azərbaycanla yanaşı, Macarıstan, Avstriya, Çin, İrlandiya, Rumıniya, Serbiya və Slovakiyadan olan idmançılar iştirak ediblər.
