OMM Redaksiyası
Azərbaycan ağırlıqqaldıranları Yunanıstanın paytaxtı Afinada ustalar arasında keçirilən dünya çempionatında üç medal qazanıblar.
M70 yaş qrupunda 85 kiloqram çəki dərəcəsində çıxış edən Vaqif Müsəddiq iki hərəkətin cəmində 147 kiloqram nəticə göstərərək dünya çempionu olub.
M40 yaş qrupunda 75 kiloqramadək çəki dərəcəsində yarışan Zülfüqar Süleymanov da fəxri kürsünün ən yüksək pilləsinə qalxıb. O, iki hərəkətin cəmində 249 kiloqram nəticə ilə qızıl medal əldə edib.
M75 kateqoriyasında 85 kiloqramadək çəki dərəcəsində mübarizə aparan Səddar Quliyev isə iki hərəkətin cəmində 126 kiloqram nəticə göstərərək gümüş medala sahib çıxıb.
Beləliklə, Azərbaycan ağırlıqqaldıranları dünya çempionatını iki qızıl və bir gümüş medalla başa vurublar.
