OMM Redaksiyası
Avstraliya hökuməti "AUKUS" təhlükəsizlik paktı çərçivəsində nüvə enerjisi ilə işləyən sualtı qayıqların inşası üçün yeni gəmiqayırma zavodunun tikintisinə 3,9 milyard Avstraliya dolları (təxminən 2,7 milyard ABŞ dolları) vəsait ayıracaq.
“Operativ Məlumat Mərkəzi-OMM”-in xəbərinə görə, Baş nazir Entoni Albaneze bildirib ki, bu investisiya Cənubi Avstraliyanın Ozborn bölgəsindəki strateji infrastrukturun inkişafına yönəldiləcək.
Valyuta məzənnəsi
Mərkəzi Bankın rəsmi məzənnəsi, 02.10.2026
Banklarda alış-satış ›2021-ci ildə elan edilmiş "AUKUS" müqaviləsi Avstraliya tarixinin ən böyük müdafiə investisiyası hesab olunur.
Razılaşmaya əsasən, ABŞ, Böyük Britaniya və Avstraliya arasında hərbi əməkdaşlığın yeni mərhələsi başlayır.
Baş nazir qeyd edib ki, Ozborndakı zavodun inşası ölkənin müdafiə qabiliyyətinin gücləndirilməsi üçün kritik əhəmiyyət kəsb edir.
"Ozborndakı gəmiqayırma zavoduna investisiya qoyuluşu Avstraliyanın nüvə enerjisi ilə işləyən sualtı qayıqlarla təmin edilməsi üçün vacibdir" - deyə Albaneze vurğulayıb.
Rəsmi proqnozlara görə, layihənin ümumi dəyəri növbəti onilliklər ərzində 30 milyard Avstraliya dollarına çatacaq. Tikinti işlərini Avstraliyanın "ASC" və Böyük Britaniyanın "BAE Systems" şirkətləri birgə həyata keçirəcək.
Hazırda həmin ərazi mövcud "Collins" sinfinə məxsus sualtı qayıqların təmiri üçün istifadə olunur. Dekabr ayında "Pentagon" tərəfindən aparılan təhlillər layihənin sürətləndirilməsinin və Avstraliyanın nüvə potensialının artırılmasının vacibliyini bir daha təsdiqləyib.
