“Atletiko” İspaniya millisinin müdafiəçisini heyətinə qatmaq istəyir

Almaniyanın "Bayer" klubunun heyətində çıxış edən sol cinah müdafiəçisi Alexandro Qrimaldo Leverkuzeni tərk etmək niyyətindədir.

"Operativ Məlumat Mərkəzi-OMM" xarici KİV-ə istinadən xəbər verir ki, 30 yaşlı ispaniyalı futbolçu bu yay vətəninə qayıtmağı planlaşdırır.

Mənbə qeyd edir ki, oyunçu artıq "Atletiko" Madrid klubundan konkret təklif alıb.

"Matrasçılar" ləqəbli komanda Qrimaldo ilə 2029-cu ilə qədər nəzərdə tutulan müqavilə imzalamağa hazırdır. Razılaşmada əməkdaşlığın daha bir il uzadılması imkanı da nəzərdə tutulub.

Alexandro Qrimaldo 2025/26 mövsümündə yüksək performans nümayiş etdirib. O, bütün turnirlərdə iştirak etdiyi 46 matçda 14 qol vurub və 12 məhsuldar ötürmə ilə yadda qalıb. Xatırladaq ki, daha əvvəl "Bayer"in İspaniya millisinin üzvünü buraxmaq üçün tələb etdiyi transfer məbləği də məlum olub.