"Arsenal"ın müdafiəçisi Qabriel Maqalhaes "Fulhem"lə oyunda zədələnib.
"Operativ Məlumat Mərkəzi-OMM" xəbər verir ki, bu barədə "topçular"ın baş məşqçisi Mikel Arteta danışıb.
"Qabrielin dizində müəyyən narahatlıq var. Zərərin nə qədər ciddi olduğunu hələ bilmirik. Onun vəziyyətini yaxın vaxtlarda qiymətləndirəcəyik".
Xatırladaq ki, braziliyalı müdafiəçi ilk hissənin əvvəlində əvəzlənmişdi.
“Arsenal” öz meydanında “Fulhem” üzərində 2:1 hesablı qələbə qazanıb.
