Nigeriyanın Kaduna ştatının Birni Qvari bölgəsində fermerlərə qarşı silahlı hücum qeydə alınıb.
"Operativ Məlumat Mərkəzi-OMM" xəbər verir ki, xarici mətbuatın yaydığı məlumata görə, silahlı dəstə üzvləri tarlada işləyən mülki şəxslərə hücum edərək 9 nəfərin ölümünə səbəb olublar. Hadisə nəticəsində çox sayda insan müxtəlif dərəcəli bədən xəsarətləri alıb.
Bildirilib ki, bölgə rəhbəri və təhlükəsizlik eksperti İshaq Kasai hücumun yerli sabitliyə ciddi zərbə vurduğunu deyib.
Onun sözlərinə görə, dövlət orqanlarının silahlı qruplaşmalarla fermerlər arasında sülhün bərqərar olması üçün apardığı danışıqlar və əldə olunan müvəqqəti sabitlik bu hücumla pozulub.
Qeyd olunub ki, Nigeriyada uzun müddətdir “Boko Haram” və “ISWAP” kimi terror qruplaşmaları da daxil olmaqla silahlı dəstələrin hücumları davam edir. Bu vəziyyət ölkənin bir sıra bölgələrində təhlükəsizliklə bağlı ciddi narahatlıq yaradır.
