Afət Ziyadqızı
İran ABŞ-nin münaqişədən çıxışını ləyaqətli hesab etmir.
“Operativ Məlumat Mərkəzi-OMM” xəbər verir ki, İran Silahlı Qüvvələrinin sözçüsü Əbülfəzl Şəkarçin bu barədə İSNA agentliyinə açıqlama verib.
Xəbərdə bildirilir ki, Şəkarçin deyib: “Amerikalılar indi müharibədən ləyaqətli şəkildə çıxmaq istəyirlər, amma biz etdikləri hər şeyin qisasını alana qədər onları tək qoymayacağıq. Tramp hər dəfə bir açıqlama verdikdə, dünyaya nə qədər alçaldıldığını daha aydın şəkildə göstərir”.
O həmçinin bildirib ki, Hörmüz boğazı ABŞ və İsrail üçün uzun müddət bağlı qalacaq. “Hörmüz boğazı amerikalılar və sionistlər üçün bağlanacaq”, – deyə Şəkarçin vurğulayıb.
