Almaniyada otelin uçması nəticəsində bir nəfər ölüb.

"Operativ Məlumat Mərkəzi-OMM" xəbər verir ki, bu barədə "Bild" jurnalı məlumat yayıb.

Polisin məlumatına görə, bir mərtəbə uçub. Buna nəyin səbəb olduğu hələ məlum deyil. Bir nəfər ölüb. Hadisə zamanı binada 14 nəfər olub. Beş nəfər oteldən sağ-salamat qaça bilib.

Dörd sakin dağıntılar altından xilas edilib. Bundan əlavə, qəzalı binanın yaxınlığında olan 31 nəfər təxliyə edilib.

Yanğınsöndürənlər, polis və tibb işçiləri də daxil olmaqla 250-yə yaxın təcili yardım xidməti hadisə yerinə gedib, xüsusi təyinatlılar, xilasedici itlər və dron qrupları da xilasetmə əməliyyatına kömək edir.

Amerika Birləşmiş Ştatlarının Suffolk Universiteti noyabrda keçiriləcək prezident seçkiləri ilə bağlı Pensilvaniyada sorğu aparıb.

"Operativ Məlumat Mərkəzi-OMM" xarici KİV-ə istinadən xəbər verir ki, nəticələrə görə Demokrat namizəd Kamala Harris, Respublikaçı namizəd Donald Trampa qarşı 49-46% ilə üç xal fərqi ilə irəlidədir.

Bu, 500 mümkün seçici arasında 12-15 sentyabr tarixlərində aparılmış sorğuda əldə edilmiş nəticələrdir.

Məlumat üçün bildirək ki, Pensilvaniyaseçki kampaniyası üçün ən əhəmiyyətli ştat olaraq qəbul edilir və bu ştatda keçirilən sorğular növbəti dörd il ərzində Ağ Evdə kimin oturacağını müəyyən etməkdə mühüm rol oynayır.

Belə ki, 2020-ci ildə Prezident Co Bayden adı çəkilən ştatda rəqibi Trampı bir faiz səslə geridə qoymaqla 50 faiz səs toplamışdı.

Peruda ilin əvvəlindən bəri meşə yanğınlarında ən azı 15 nəfər ölüb.

"Operativ Məlumat Mərkəzi-OMM" xəbər verir ki, bu barədə ölkənin Səhiyyə naziri Sezar Vaskes Sançes bildirib.

"Təəssüf ki, hazırda biz 15 ölüm faktını qeydə almışıq", - deyə bildirib.

Nazirin sözlərinə görə, Peru hakimiyyəti meşə yanğınları ilə mübarizədə beynəlxalq yardıma müraciət etmək imkanını istisna etmir.

Perunun Fövqəladə Hallar üzrə Milli Mərkəzinin (COEN) məlumatına görə, yanvar ayından bəri yanğınların qurbanlarının sayı 98 nəfərə çatıb.

ABŞ və Hindistan “2+2” formatında səkkizinci dialoq zamanı Ukraynadakı vəziyyəti, müdafiə sahəsində əməkdaşlıq və ikitərəfli tərəfdaşlığın digər məsələlərini müzakirə ediblər.

"Operativ Məlumat Mərkəzi-OMM" xəbər verir ki, bu barədə Dövlət Departamenti məlumat yayıb.

Dialoq iştirakçıları Ukraynada ədalətli və davamlı sülhə dəstək, həmçinin Qəzza zolağında atəşkəs və humanitar yardıma dəstək də daxil olmaqla Hind-Sakit okean regionu və dünya ilə bağlı bir sıra məsələləri müzakirə ediblər.

Görüşdə ABŞ və Hindistan arasında müdafiə, enerji, kosmos və mülki aviasiya sahələrində əməkdaşlığın ümumi prioritetləri də müzakirə edilib.

“Danışıqlar zamanı Birləşmiş Ştatlar Hindistanla tərəfdaşlığı daha da gücləndirməyə və iki ölkə xalqları arasında əlaqələri genişləndirməyə sadiqliyini bir daha təsdiqlədi”, - Dövlət Departamenti qeyd edib.

“2+2” dialoqu sentyabrın 16-da Yeni Dehlidə baş tutub. Amerika tərəfdən tədbirdə ABŞ dövlət katibinin Cənubi və Mərkəzi Asiya məsələləri üzrə köməkçisi Donald Lu və müdafiə nazirinin Hind-Sakit Okean regionu üzrə təhlükəsizlik məsələləri üzrə köməkçisinin baş müavini Cedidiya Royal iştirak edib.

Sentyabr ayından bəri Qərbi Afrikada baş verən daşqınlar nəticəsində ən azı 2,4 milyon insan didərgin düşüb, 1000-ə yaxın insan həyatını itirib.

"Operativ Məlumat Mərkəzi-OMM" xəbər verir ki, bu barədə "Bloomberg" məlumat yayıb.

Məlumata görə, təbii fəlakət kənd təsərrüfatını da sıradan çıxararaq, regionda ərzaq və təhlükəsizliklə bağlı ağır vəziyyət yaradıb.

Eyni zamanda, bəzi proqnozlara görə, Qərbi Afrika ölkələrində yağıntılar yaxın gələcəkdə də davam edəcək.

BMT siyasi zorakılığın istənilən formasını pisləyir.

"Operativ Məlumat Mərkəzi-OMM" xəbər verir ki, bu barədə jurnalistlərə təşkilatın baş katibinin rəsmi nümayəndəsi Stefan Düjarrik Floridada ABŞ prezidentliyinə Respublikaçılar Partiyasından namizəd Donald Trampa sui-qəsd cəhdini şərh edərkən bildirib.

"Əlbəttə, keçmiş prezidentin sağ-salamat olmasına və hüquq-mühafizə orqanlarının çevik addım atmasına şadıq. Biz, əlbəttə ki, istənilən siyasi zorakılığı pisləyirik", - o deyib.