"Liverpul" klubunun təcrübəli qapıçısı Alisson Beker yenidən İtaliya A Seriyasına qayıtmağa hazırlaşır.
"Operativ Məlumat Mərkəzi-OMM" İtaliya mətbuatına istinadən xəbər verir ki, 33 yaşlı qolkiperlə "Yuventus" rəhbərliyi arasında artıq şifahi razılıq əldə olunub.
Hazırda transferin reallaşması üçün "Liverpul"un yekun qərarı gözlənilir.
Braziliyalı qapıçı bu mövsüm statistik cəhətdən yaxşı təsir bağışlayaraq 13 oyunda qapısını toxunulmaz saxlayıb.
Lakin zədələr onun çıxışına mənfi təsir göstərməkdə davam edir.
Bu mövsüm zədə səbəbindən 16 matçı buraxıb. Ötən mövsüm isə analoji səbəbdən 26 qarşılaşmada iştirak edə bilməyib.
Xatırladaq ki, Alisson 2018-ci ildə 72 milyon avro müqabilində İtaliyanın "Roma" klubundan İngiltərəyə transfer olunmuşdu.
