Avropa Parlamenti Ukraynaya NATO-nun 5-ci maddəsinə bənzər təhlükəsizlik zəmanətlərinin verilməsini tələb edən qətnamə layihəsini təqdim edib.
"Operativ Məlumat Mərkəzi-OMM" xəbər verir ki, bu barədə "RIA Novosti" qəzeti məlumat yayıb.
Qətnamə layihəsi üzrə səsvermə noyabrın 27-dƏ keçiriləcək.
Sənəddə bildirilir ki, belə bir saziş Kiyevə 1994-cü il Budapeşt Memorandumunun təkrarı istisna olmaqla, NATO-nun 5-ci maddəsi və Avropa İttifaqı haqqında Müqavilənin 42-ci maddəsinin 7-ci bəndində nəzərdə tutulan etibarlı təhlükəsizlik təminatlarını təqdim etməlidir.
Qətnamədə həmçinin vurğulanır ki, Ukrayna dövlətinin Rusiyanın vetosu olmadan öz siyasi və müdafiə ittifaqlarını sərbəst seçmək hüququ təsdiqlənməlidir.
