Afət Ziyadqızı
Avropa İttifaqının (Aİ) fərdi məlumatların tənzimləyicisi "TikTok" sosial media platformasını 530 milyon avro məbləğində cərimələyib.
"Operativ Məlumat Mərkəzi-OMM" xəbər verir ki, bu barədə Aİ-də fərdi məlumatların qorunmasına cavabdeh olan İrlandiya Məlumatların Mühafizəsi Komissiyası (DPC) məlumat yayıb.
Açıqlamada "TikTok"un Avropadakı istifadəçi məlumatlarının Çinə ötürülməsi və şəffaflıq tələbləri ilə bağlı Aİ Ümumi Məlumatların Qorunması Qaydasını pozduğu təsbit edildiyi, şirkətə 530 milyon avro cərimə kəsildiyi və 6 ay ərzində fəaliyyətinin Aİ qaydalarına uyğunlaşdırılması əmri verildiyi bildirilib.
