Aİ İsrail hökumətinin üzvlərinə qarşı sanksiyalar tətbiq etməyi nəzərdən keçirə bilər

Avropa diplomatiyasının rəhbəri Cozep Borrel Aİ rəhbərliyinə İsrail hökumətinin bəzi üzvlərinə qarşı sanksiyalar tətbiq etməyi təklif etməyi planlaşdırır.

"Operativ Məlumat Mərkəzi-OMM" xəbər verir ki, o, bu barədə "X" sosial şəbəkə hesabında müvafiq açıqlama yayıb.

Avropa diplomatiyasının rəhbəri bildirib ki, İordan çayının qərb sahilindəki israilli məskunlaşanlar uzun müddətdir ki, bölgədə zorakılığı qızışdıraraq, Fələstin-İsrail münaqişəsinin həlli şanslarını təhlükə altına alaraq fəaliyyət göstərirlər.

Bu kontekstdə Borrell İsrail hökumətinin üzvlərini bölgədə qeyri-qanuni hərəkətləri dayandırmağa çağırıb.