Avropa İttifaqı ölkələrinin liderləri Brüsseldə keçirilmiş sammitdən sonra İsrailə hücumla əlaqədar İrana qarşı sanksiyaları genişləndirəcəklərini açıqlayıblar. 

"Operativ Məlumat Mərkəzi-OMM" xarici KİV-ə istinadən xəbər verir ki, məhdudiyyətlərin əksəriyyəti dron və raketlərin istehsalı ilə əlaqəlidir.

Məsələ ilə bağlı ittifaq liderlərinin yaydığı birgə bəyanatında bildirilib ki, blok ölkələri İrana qarşı, xüsusilə dron və raketlərlə bağlı əlavə məhdudlaşdırıcı tədbirlər görəcək. 

Bunun regionda gərginliyin azaldılması və təhlükəsizliyin təmini ilə əlaqəli olduğu qeyd edilib.
 

İtaliyanın Siciliya şəhərində çirkab sutəmizləyici qurğuda qəza baş verib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, qəza İtaliyanın Siciliya bölgəsindəki Palermodan 20 kilometr aralıda yerləşən Casteldaccia şəhərindəki tullantı sularının təmizlənməsi zavodunda baş verib. Hadisə nəticəsində 5 işçi ölüb, 1 işçi isə ağır yaralanıb.

Xatırladaq ki, aprelin 9-da İtaliyanın şimalında Bolonya yaxınlığındakı su elektrik stansiyasında baş verən partlayışda 7 işçi həyatını itirib.

Fransanın şimalındakı Çerburq-en-Kotentin şəhərində məscidin qarşısındakı 9 avtomobil yanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

20-yə yaxın avtomobilin olduğu ərazidə baş verən yanğın yanğınsöndürmə briqadalarının müdaxiləsi ilə söndürülüb. Səlahiyyətlilər bildiriblər ki, yanğının səbəbləri ilə bağlı araşdırmalar davam edir.

İspaniyanın xarici işlər naziri Xose Manuel Alvarez mayın 10-da Vaşinqtona səfər edəcək.

"Operativ Məlumat Mərkəzi-OMM" xarici KİV-ə istinadən xəbər verir ki, bunu nazir konfransda çıxışı zamanı deyib.

O qeyd edib ki, səfər zamanı ABŞ dövlət katibi Entoni Blinkenlə görüşəcək.

Görüşdə Ukrayna və Yaxın Şərqdəki vəziyyət müzakirə ediləcək.

Mayın 12-də Litva Prezidenti seçkilərində iştirak edə biləcək seçicilərin sayı əvvəlki seçkilərin keçirildiyi beş il ərzində 4% azalıb.

"Operativ Məlumat Mərkəzi-OMM" xarici KİV-ə istinadən xəbər verir ki, bu barədə respublikanın Baş Seçki Komissiyası məlumat verib.

Litvada 2,328 milyon, respublikanın xarici nümayəndəliklərində isə 57,6 min nəfər səs verə bilər.

Daha 79,4 min nəfər yaşayış yerini elan etməyib və ya bir ildən çoxdur ki, etibarlı şəxsiyyət vəsiqəsi yoxdur.

Avropa Yayım Birliyi mayın 11-də İsveçin Malmö şəhərində keçiriləcək "Eurovision" Mahnı Müsabiqəsində Fələstin bayrağı ilə qonaqların içəri buraxılmayacağını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Avropa Yayım Birliyi (EBU) tərəfindən edilən açıqlamada mahnı yarışmasının keçiriləcəyi Malmö Arenaya Fələstin bayrağı və ya siyasi mesaj daşıyan pankartla girməyə cəhd edənlərin dayandırılacağı və onların Fələstin bayraqları və ya pankartları götürüləcək.