"Aİ Arktika strategiyasını yenidən nəzərdən keçirməlidir"

Fransa Prezidenti Emmanuel Makron Qrenlandiya ətrafındakı vəziyyətin Avropa üçün həyəcan verici strateji siqnala çevrildiyini düşünür.

"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.

"Qrenlandiya ətrafındakı vəziyyət bütün Avropa üçün suverenliyin təsdiqlənməsi, Arktika təhlükəsizliyinə töhfə verilməsi, xarici müdaxilə və dezinformasiya ilə mübarizə, iqlim dəyişikliyi ilə mübarizə, davamlı inkişafda imtiyazlı tərəfdaşlığın inkişaf etdirilməsi və strateji asılılığın azaldılması baxımından narahatedici strateji siqnaldır. Avropa İttifaqı 2026-cı ildə Arktika strategiyasını yenidən nəzərdən keçirməlidir. Biz həmçinin NATO-nun Arktikada artan iştirakını yüksək sayıqlıq rejiminin yaradılması yolu ilə dəstəkləyirik və buna qoşulmağa hazırıq", - o qeyd edib.

O, həmçinin əlavə edib ki, Fransa Avropa İttifaqı ilə Qrenlandiya arasında 2023-cü ildə imzalanmış strateji tərəfdaşlığın həyata keçirilməsini sürətləndirməyi təklif edir.

Makron vurğulayıb ki, bu tərəfdaşlıq bizə strateji xammal sahəsində əməkdaşlığı inkişaf etdirməyə imkan verəcək.