OMM Redaksiyası
ABŞ-nin paytaxtı Vaşinqtonda növbəti təhlükəli insident qeydə alınıb.
“Operativ Məlumat Mərkəzi-OMM” xəbər verir ki, çərşənbə axşamı günü əlində odlu silah olan şəxs qanunverici orqanın binası olan Kapitoliyə daxil olmağa cəhd edib.
18 yaşlı gənc əlində dolu tüfənglə binaya yaxınlaşarkən asayiş keşikçiləri tərəfindən dərhal müəyyən edilərək zərərsizləşdirilib. Şübhəli şəxs hadisə yerində həbs olunub.
Faktla bağlı araşdırma aparılır. Hazırda gəncin bu addımı hansı məqsədlə atdığı və hadisənin təfərrüatları dəqiqləşdirilir. Polisin çevik müdaxiləsi nəticəsində hər hansı xəsarət alan olmayıb.
