Afət Ziyadqızı
ABŞ hakimiyyəti İrana qarşı potensial hərbi əməliyyatın hansı məqsədləri hədəfləyəcəyinə dair hələ yekun qərar qəbul etməyib.
“Operativ Məlumat Mərkəzi – OMM” xəbər verir ki, bu barədə “NBC News” ABŞ rəsmilərinə istinadən məlumat yayıb.
Vaşinqton administrasiyasının iki nümayəndəsinin sözlərinə görə, Prezident Donald Tramp indiyədək ABŞ qoşunlarının İranda hansı fəaliyyətləri həyata keçirməli olduğuna dair konkret təlimatlar verməyib.
Telekanalın qeyd etdiyinə görə, ABŞ lideri mümkün hərbi əməliyyatın konkret məqsədləri ilə bağlı da hələ qərar qəbul etməyib. Ümumilikdə isə ABŞ administrasiyası daxilində hər hansı hərbi müdaxilədən sonra İran ətrafında yaranacaq vəziyyətdə Vaşinqtonun rolunun nədən ibarət olacağı ilə bağlı fikir birliyi mövcud deyil.
