Pakistan və Qətər ABŞ ilə İran arasında keçirilməsi planlaşdırılan danışıqların təşkili üçün xüsusi nümayəndələr göndərəcək.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, Pakistanın daxili işlər naziri və xüsusilə Qətər rəsmiləri danışıqların mümkün qədər tez baş tutması üçün nümayəndələr təyin edəcəklər.
Məlumata əsasən, ABŞ və İran arasında gözlənilən danışıqlar birbaşa formatda deyil, dolayısı ilə keçiriləcək, Qətər və Pakistan isə bu prosesdə vasitəçi rolunu oynayacaq.
ABŞ Prezidenti Donald Tramp daha əvvəl İrana qarşı genişmiqyaslı hərbi zərbələr endirmək planından hələlik imtina etdiyini və məqsədlərinə sülh yolu ilə nail olmağa çalışdığını bildirmişdi.
Daha sonra Tramp ABŞ ilə İran arasında danışıqların avqustun 3-də başlayacağını açıqlamışdı.
Bununla yanaşı, İran Xarici İşlər Nazirliyi Trampın bəyanatına cavab olaraq ABŞ ilə birbaşa danışıqların keçirilməyəcəyini bəyan edib.
