ABŞ husilərə dəstək verdiyi üçün daha iki şirkətə sanksiya tətbiq edib

ABŞ Xarici Aktivlərə Nəzarət İdarəsi (OFAC) Honq-Konq və Birləşmiş Ərəb Əmirliklərində (BƏƏ) yerləşən iki şirkətə husilərə maliyyə dəstəyi verən Səid əl-Camal şəbəkəsi adından İran mallarını daşımaları səbəbilə sanksiya tətbiq edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Bildirilib ki, Honq-Konqun “Cielo Maritime” şirkəti və BƏƏ-nin “Global Tech Marine Services” şirkətlərinə “mal daşımaları” səbəbilə sanksiyalar tətbiq edilib.

“ABŞ Husiləri maliyyələşdirən və onların hücumlarını asanlaşdıran qeyri-qanuni İran maliyyə şəbəkələrinə qarşı tədbirlər görməyə davam edir",-deyə açıqlamada qeyd olunub.