Afət Ziyadqızı
Çin və Birləşmiş Ərəb Əmirlikləri (BƏƏ) hərbi əməkdaşlıq çərçivəsində birgə aviasiya təlimləri keçirməyə hazırlaşır.
“Operativ Məlumat Mərkəzi – OMM” xəbər verir ki, Çin Müdafiə Nazirliyinin məlumatına görə, “Şahin qalxanı – 2026” adlı təlimlər avqustun ikinci yarısından sentyabrın ortalarına qədər davam edəcək.
Hərbi manevrlərin keçirilməsi üçün məkan olaraq Çinin Sincan-Uyğur Muxtar Rayonunun Xotan qəzası seçilib.
Təlim proqramına əsasən, hər iki ölkənin hərbi hava qüvvələri intensiv uçuş hazırlıqları keçirəcək və müxtəlif taktiki tapşırıqları yerinə yetirəcəklər.
Rəsmi açıqlamada bildirilir ki, təlimlər Çin və BƏƏ arasında praktiki hərbi əməkdaşlığın dərinləşdirilməsinə xidmət edir.
Eyni zamanda, manevrlərin əsas məqsədlərindən biri iştirakçı bölmələrin texniki və taktiki hazırlıq səviyyəsini artırmaq, həmçinin birgə fəaliyyət imkanlarını inkişaf etdirməkdir.
