ABŞ Hərbi Hava Qüvvələrinə məxsus iki “P-8A Poseidon” gəmi əleyhinə patrul təyyarəsi İran yaxınlığındakı Hörmüz boğazı və Oman körfəzi üzərində kəşfiyyat uçuşları həyata keçirib.
"Operativ Məlumat Mərkəzi-OMM" xəbər verir ki, bu barədə “Flightradar24” aviasiya resursunun məlumatında bildirilir.
Təyyarələr Bəhreyndə yerləşən Şeyx İsa Hava Bazasından havaya qalxıb. Bir neçə saat davam edən əməliyyat zamanı onlardan biri Fars körfəzi ilə Oman körfəzi arasında hərəkət edərək Hörmüz boğazı üzərindən uçub, digəri isə İranın cənub-şərq sahilləri yaxınlığında, Oman körfəzində beynəlxalq sular üzərində fəaliyyət göstərib.
Məlumata görə, regiondakı vəziyyətin monitorinqi məqsədilə ABŞ tərəfindən mütəmadi olaraq patrul təyyarələri və uzun mənzilli MQ-4C Triton pilotsuz uçuş aparatlarından istifadə olunur.
