ABŞ-ın maliyyə naziri Skott Bessent tariflərin artırılması ilə bağlı Cənubi Koreya rəsmiləri ilə aparılan danışıqların çox uğurlu olduğunu bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
ABŞ-nin ticarət etdiyi ölkələrə qarşılıqlı tariflər tətbiq edəcəyini və əsas tarifin yüzdə 10 olacağını açıqlamasının ardınca tarifləri azaltmaq istəyən ölkələrdən biri olan Cənubi Koreyadan bir heyət Vaşinqtona səfər edib.
Cənubi Koreyanın maliyyə naziri Çoi Sanq-Mok və komandası ilə Ağ Evdə keçirdiyi görüşdən sonra mətbuata açıqlama verən ABŞ-nin maliyyə naziri Bessent iki ölkə arasında aparılan danışıqların kifayət qədər uğurlu olduğunu bildirib.
Gömrük tariflərini yüngülləşdirə biləcək mümkün razılaşmanın texniki detallarını yaxın vaxtlarda müzakirə edəcəklərini deyən Bessent görüş zamanı enerji sektorunda əməkdaşlığın da müzakirə edildiyini əlavə edib.
