ABŞ Çini gizli nüvə sınaqları keçirməkdə ittiham edir

ABŞ prezidenti Donald Tramp administrasiyasındakı yüksək rütbəli mənbə Çinin gizli nüvə sınaqları keçirdiyinə dair sübutlar təqdim edib.

“Operativ Məlumat Mərkəzi-OMM” xəbər verir ki, bu barədə məlumat "The Washington Post" qəzetində dərc olunub.

Məlumata görə, sözügedən hadisə 22 iyun 2020-ci il tarixində Çinin qərbindəki Sincan bölgəsində yerləşən və gizli obyekt kimi tanınan "Lop-Nur" poliqonunun yaxınlığında baş verib.

ABŞ tərəfi Çinin nüvə sınağı keçirdiyi qənaətinə gəlmək üçün qonşu Qazaxıstandakı stansiyalardan alınan seysmik məlumatlardan istifadə edib.

Nəşr qeyd edir ki, bu kəşf Tramp administrasiyasının ABŞ-nin öz nüvə sınaqlarını bərpa etmək istəyi üçün bir növ katalizator rolunu oynayıb.

Bundan əvvəl isə "The New York Times" qəzeti Çinin nüvə qüvvələrini genişmiqyaslı şəkildə artırdığını yazmışdı.