Çin nüvə danışıqları tələbini rədd etdi: "Bu, ədalətsizdir"

"Pekinin Moskva-Vaşinqton nüvə silahsızlanması dialoquna qoşulması tələbi əsassızdır və yerinə yetirilə bilməz".

“Operativ Məlumat Mərkəzi-OMM”xəbər verir ki, bu sözləri Çin Xarici İşlər Nazirliyinin sözçüsü Mao Ninq deyib.

"Çinin Çin, Rusiya və ABŞ arasında üçtərəfli nüvə silahsızlaşdırma danışıqlarında iştirak etməsi tələbi hazırda əsassız, ədalətsizdir və yerinə yetirilə bilməz", - o qeyd edib.

Xatırladaq ki, bir müddət əvvəl ABŞ dövlət katibi Marko Rubio Çinin silahlara nəzarət sazişinə qoşulmalı olduğunu bildirmişdi.

Qeyd edək ki, ABŞ və Rusiya arasında Strateji Silahların Azaldılması Müqaviləsi 5 fevral 2026-cı ildə başa çatıb. Bu sənəd dünyanın iki ən böyük nüvə dövlətinin arsenalını tənzimləyir və beynəlxalq sabitliyi təmin edən əsas müqavilələrdən biri idi. ABŞ və Rusiya müqaviləni 2010-cu ildə imzalayıblar. 2021-ci ildə müqavilə daha beş il, 2026-cı ilə qədər uzadılıb.