Fevralın 28-də Yunanıstanda 57 nəfərin öldüyü qatar qəzası ilə bağlı hesabat dərc edilib.
"Operativ Məlumat Mərkəzi-OMM" xarici mediaya istinadən xəbər verir ki, 228 səhifəlik hesabatda fevralın 28-də baş verən qəzaya görə Yunanıstan Dəmir Yolları Təşkilatı, Dəmir Yolu Tənzimləmə Təşkilatı və mühakimə olunan 59 yaşlı stansiya rəisi göstərilib.
Hesabatda ölkədə dəmir yollarının müasirləşdirilməsinin zəruriliyi də vurğulanıb.
Bildirilib ki, qəza insan səhvi, texnoloji avadanlıq çatışmazlığı və inzibati problemlər kimi amillərin birləşməsi nəticəsində baş verib.
