Afət Ziyadqızı
Yaponiyanın Osaka şəhərinin İkuno rayonunda yaşayan 60 yaşlı Katsunori Onada etdiyi hərəkətlə hər kəsi şoka salıb.
"Operativ Məlumat Mərkəzi-OMM" xəbər verir ki, Yaponiyada polis ölmüş anasının cəsədini 5 il evdə saxlayan 60 yaşlı kişini həbs edib.
Onada polisə anasının 2019-cu ilin sentyabrında öldüyünü və cəsədin o vaxtdan evdə olduğunu etiraf edib.
Cinayətini etiraf edən Onada həbs edilib. Hadisə ilə bağlı araşdırma başladan polis, Onadanın anasının pensiyasını bankdan çəkməyə davam edə bilməsi üçün meyiti evdə gizlətməsi ehtimalını nəzərdən keçirir.
