ÜST: "Qəzzada öldürülənlərin sayı 33 mini keçib"

Ümumdünya Səhiyyə Təşkilatının (ÜST) baş direktoru Tedros Adhanom Qebreyesus İsrailin hücumları nəticəsində Qəzzada ölənlərin sayının 33 mini keçdiyini, təxminən 80 min insanın isə yaralandığını bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Qəzzaya humanitar yardımın çatdırılmasının çox çətin və təhlükəli olduğuna diqqət çəkən Qebreyesus, WCK-nın fəaliyyətini dayandırması səbəbindən aclıq çəkənlərin sayında artım olacağını bildirib.

Qebreyesus, "ÜST Qəzzada WCK ilə birlikdə tibb işçilərinə və xəstəxanalardakı xəstələrə qida paylamaq üçün işləyirdi. Bu dəhşətli hadisə onu göstərir ki, ÜST işçiləri və tərəfdaşları çox təhlükəli mühitdə işləyirlər və işləməyə davam edəcəklər", - deyə bildirib.