ÜST İsrailin Qəzzada Şifa xəstəxanasını sökməsinə reaksiya verib

Ümumdünya Səhiyyə Təşkilatının (ÜST) baş direktoru Tedros Adhanom Qebreyesus İsrail ordusunun Qəzza şəhərində basqın etdiyi, sonra isə tamamilə dağıdıb tərk etdiyi Şifa xəstəxanasındakı vəziyyətə münasibət bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İsrailin mühasirəsindən sonra xaraba vəziyyətdə olan xəstəxananın fotosunu paylaşan Qebreyesus, "Bir daha deyirəm. Xəstəxanalara hörmət edilməli və qorunmalıdır. Xəstəxanalar müharibə ərazisi kimi istifadə edilməməlidir",- deyə bildirib.

Xatırladaq ki, Qəzza hökuməti İsrail qüvvələrinin Şifa xəstəxanası və ətraflarında 400-dən çox fələstinlini öldürdüyünü, 900-dən çoxunu həbs etdiyini və 1050 evi dağıtdığını açıqlayıb.