"Rusiya tərəfi hər kəsi Kiyevi birbaşa danışıqları davam etdirməyə və növbəti raund təyin etməyə təşviq etmək üçün yardım göstərməyə çağırır".
"Operativ Məlumat Mərkəzi-OMM"xəbər verir ki, bu sözləri Kremlin sözçüsü Dmitri Peskov deyib.
“Biz hamını bunu etməyə çağırırıq. Bu halda əsas vasitəçilik səyləri ABŞ Prezidenti Donald Trampa və onun komandasına məxsusdur. Çoxlu bəyanatlar verilib, çoxlu məyusluq ifadə olunub, lakin biz, əlbəttə, ümid edirik ki, bununla yanaşı Ukrayna tərəfinə də təzyiq göstərilir. Bütün bu dəstək sözlərini Ukrayna tərəfi sülhə deyil, müharibəyə, müharibənin davamına siqnal kimi qəbul edir", - o bildirib.
