Türkiyənin Azərbaycan, Qazaxıstan, Türkmənistan, Özbəkistan və Qırğızıstandan ibarət Türk dövlətlərinə etdiyi ixracat bu ilin ilk yarısında təxminən 5,1 milyard dollarla rekord səviyyəyə çatıb.
"Operativ Məlumat Mərkəzi-OMM" xəbər verir ki, bununla bağlı Rusiya KİV məlumat yayıb.
Bildirilib ki, Türkiyə Statistika Təşkilatının (TÜİK) məlumatlarına əsasən aparılan təhlilə görə, Türkiyənin həm ikitərəfli, həm də Türk Dövlətləri Təşkilatı (TDT) vasitəsilə Türk dövlətləri ilə inkişaf etdirdiyi ticarət əlaqələri diqqətçəkən həddə çatıb.
Türkiyənin bu beş ölkəyə ixracatı keçən ilin ilk yarısında 4 milyard 983 milyon 480 min dollar olmuşdu. Bu rəqəm bu ilin eyni dövründə 5 milyard 93 milyon 718 min dollara yüksəlib.
Beləliklə, bu göstərici ilk 6 aylıq dövrlər üzrə ən yüksək ixracat səviyyəsi kimi qeydə alındı.
