Türkiyədə dağıntılar altında qalan 5 nəfərlik ailə xilas edilib

Türkiyənin zəlzələlərdən ən çox zərər çəkən ərazilərindən biri olan Adıyaman rayonunda dağıntılar altında qalan 5 nəfərlik ailə göyərçinləri ilə birlikdə xilas edilib.

"Operativ Məlumat Mərkəzi-OMM" "Haber Global"a istinadən xəbər verir ki, Atatürk Bulvarında 5 mərtəbəli binanın üst mərtəbəsində yaşayan 41 yaşlı Necmettin, həyat yoldaşı Aysel və 3 uşağı, eləcə də 25 göyərçin dağıntılar altından çıxarılıb.

Necmettin bildirib ki, yaşadıqları binada 16 qohumu dağıntılar altında qalıb.