Əli Məmmədli
2022-ci il Türkiyədə bitki istehsalında rekordların qırıldığı il olub.
"Operativ Məlumat Mərkəzi-OMM" "TRT HABER"-ə istinadən xəbər verir ki, tərəvəzlər arasında yerkökü, sarımsaq və kələm birinci yeri tutarkən, pambıq, günəbaxan və qarğıdalı kimi məhsullar da istehsal artımı yaşayan növlər olub. Ən çox artım zeytun və zeytun yağındadır.
2021-ci ildə 117,9 milyon ton olan bitkiçilik istehsalının həcmi 2022-ci ildə 128,6 milyon tona çatıb ki, bu da respublika tarixində istehsal rekordu kimi qeydə alınıb.
Kənd Təsərrüfatı və Meşə Nazirliyi Bitkiçilik Ümumi Müdirliyinin rəqəmlərinə görə, pambıq, günəbaxan, qarğıdalı və yulaf kimi tarla bitkilərində bütün zamanların ən yüksək məhsuldarlığına nail olunub. 2021-ci ildə 2,35 milyon ton olan pambıq istehsalı 2022-ci ilin sonunda 22 faiz artaraq 2,75 milyon tona çatıb. Nəticədə pambıq idxalı 8 faiz azalıb, ixrac isə 193 min ton olub.
