Şimali Koreya Putinin ölkəyə səfər etmək istədiyini açıqlayıb

Cənubi Koreya ilə gərginliyi artıran Şimali Koreya Rusiya prezidenti Vladimir Putinin Pxenyana səfər etmək istədiyini açıqlayıb.

"Operativ Məlumat Mərkəzi-OMM" xəbər verir ki, bu barədə Şimali Koreya mediası məlumat yayıb.

Şimali Koreyanın xarici işlər naziri Ço Son Huinin keçən həftə Rusiyanın paytaxtı Moskvaya səfər etdiyini yazıb. Huinin Moskvaya səfəri zamanı Rusiya prezidenti Vladimir Putinlə görüşdüyü bildirilib və Putinin Pxenyana səfər etmək arzusunu ifadə etdiyi vurğulanıb.

Putinin Şimali Koreya lideri Kim Çen Ina dəvətinə görə də təşəkkür etdiyi, Putinin Ukrayna müharibəsində Şimali Koreyanın dəstəyindən məmnunluğunu ifadə etdiyi bildirilib. Bildirilib ki, Moskva və Pxenyan da ABŞ və müttəfiqlərinin Şimali Koreyanın suveren hüquqlarına qarşı təxribat xarakterli hərəkətlərindən narahat olduqlarını bildiriblər və sözügedən situasiya ilə bağlı razılığa gəliblər.