Seneqalda baş verə biləcək küçə insidentlərinin qarşısını almaq üçün mobil internet kəsilib

Seneqalda fevralın 25-də keçiriləcək prezident seçkilərinin təxirə salınmasına cavab olaraq baş verə biləcək küçə insidentlərinin qarşısını almaq üçün ölkədə mobil internet bağlantısı kəsilib.

"Operativ Məlumat Mərkəzi-OMM" xəbər verir ki, bu barədə Seneqal Rabitə Nazieliyi açıqlama yayıb.

Rabitə Nazirliyindən verilən açıqlamada sosial mediada ictimai asayişi poza biləcək nifrət mesajlarının və mümkün küçə etirazlarının qarşısını almaq üçün mobil məlumatların müvəqqəti olaraq kəsildiyi açıqlanıb.

Xatırladaq ki, seçki dekabrın 15-nə təxirə salındıqdan sonra 20 prezidentliyə namizəddən 13-nün dəstəklədiyi “Aar Sunu Seçki (Seçkilərimizi qoruyaq)” adlı birgə kollektivin bu gün təşkil edəcəyi etiraz aksiyası da təhlükəsizlik səbəbi ilə qadağan edilib.