Rusiya Xarici İşlər Nazirliyinin sözçüsü Mariya Zaxarova Ukraynanın mülki hədəflərə hücum edərək terror taktikasından istifadə etdiyini qeyd edib.
"Operativ Məlumat Mərkəzi-OMM" xəbər verir ki, bu barədə Sputnik radiosunun canlı efirində bildirib.
Onun sözlərinə görə, Kiyev təkcə ekstremizm taktikasına deyil, həm də terrorizm, mülki hədəflərə və əhaliyə zərbə endirmək taktikasına əl atır. Zaxarova Kiyevin qəsdən humanitar hüquq prinsiplərindən və müharibə qaydalarından kənara çıxdığını, mülki infrastruktura və mülki şəxslərə hücum etdiyini də vurğulayıb.
Rusiya Dövlət Dumasının Təhlükəsizlik Komitəsinin üzvü Adalbi Şxaqoşev bildirib ki, Belqoroda hücum Rusiyanın öhdəsindən gələ biləcəyi kollektiv dövlət terrorizmidir.
Deputat vurğulayıb ki, Rusiya terrorizmlə mübarizədə böyük təcrübəyə malikdir, ona görə də bu cür təzahürlərin öhdəsindən gələ bilər.
