ABŞ prezidenti Donald Tramp hələ də hesab edir ki, Vaşinqton Kiyevə əlavə silah tədarük etsə də, Rusiya münaqişədə üstünlüyünü qoruyub saxlayır.
"Operativ Məlumat Mərkəzi-OMM" xəbər verir ki, bu barədə “Politico” Ağ Evdəki adı açıqlanmayan yüksək vəzifəli məmura istinadən məlumat yayıb.
Məlumatda qeyd olunub ki, prezident Rusiyanın qalib gələcəyinə inanır, yeganə sual bunun nə qədər vaxt aparacağıdır.
Bildirilib ki, Rusiya iqtisadiyyatı, hərbi və insan resurslarının həcminə görə Ukraynanı üstələyir. Rusiya ordusu yavaş-yavaş irəliləsə də, irəliləyir. Trampın Ukrayna ilə bağlı siyasətindəki dəyişiklik Putinin sülh sazişinə nail olmaq cəhdlərinə laqeyd münasibətinə cavab olaraq meydana gəlib. Amma ABŞ prezidenti Rusiya Silahlı Qüvvələrinin Ukrayna ərazisinə son hücumlarından da ciddi narazıdır.
