Macarıstanın baş naziri Viktor Orban ABŞ-ın yeni seçilmiş prezidenti Donald Tramp vəzifəsinə başlayana qədər Avropa İttifaqının Rusiyaya qarşı sanksiyalarına veto qoyacaq.
"Operativ Məlumat Mərkəzi-OMM" xəbər verir ki, bu barədə "Bloomberg" xəbər agentliyi Avropadakı mənbələrə istinadən məlumat yayıb.
"İndiyə qədər bu, adi prosedur olub, lakin uzadılması Orbanın veto hüququna malik olduğu 27 üzv dövlətin yekdil dəstəyini tələb edir", - xəbər agentliyi bildirib.
Agentliyin məlumatına görə, Orban Avropa İttifaqındakı həmkarlarına Rusiyaya qarşı yeni sanksiyalarla bağlı qərar vermək üçün əvvəlcə ABŞ-ın yeni seçilmiş prezidenti Donald Trampın vəzifəyə başlamasını gözləyəcəyini bildirib.
