ABŞ-ın Kubadakı müvəqqəti işlər vəkili Mayk Hammer Amerika rəsmilərinin qeyri-dost davranışına görə Kuba Xarici İşlər Nazirliyinə çağırılıb və ona etiraz notası verilib.
"Operativ Məlumat Mərkəzi-OMM" xəbər verir ki, bu barədə Kuba Xarici İşlər Nazirliyi məlumat yayıb.
Nazirlik bildirib ki, amerikalı diplomatın davranışı “diplomatik əlaqələr haqqında Vyana Konvensiyasını pozur və iki ölkə hökumətləri arasında imzalanmış diplomatik münasibətlərin bərpası haqqında sazişə ziddir”.
ABŞ Dövlət Departamenti terrorizmlə mübarizədə əməkdaşlığın olmadığını əsas gətirərək Kubaya hərbi texnika ixracının satışına və lisenziyalaşdırılmasına qadağa qoyub.
