Londonun “Çelsi” klubunda istədiyi uğuru qazana bilməyən fransalı hücumçu Kristofer Nkunku karyerasını İspaniya La Liqasının aparıcı klublarından birində davam etdirmək imkanı ilə üz-üzədir.
"Operativ Məlumat Mərkəzi-OMM" xəbər verir ki, bu barədə "deadlinedaylive" nəşri məlumat yayıb.
Məlumata görə, Kataloniya nəhəngi “Barselona” Nkunkunu heyətinə qatmaq üçün maraq göstərir.
Klub yay transfer dönəmində qeydiyyat məsələlərini həll edə biləcəyi halda, Fermin Lopezin yerinə Nkunkunun transferini reallaşdırmaq istəyir.
"Transfermarkt" portalının qiymətləndirməsinə əsasən, 27 yaşlı hücumçunun transfer dəyəri təxminən 35 milyon avro təşkil edir. Nkunkunun “Çelsi” ilə hazırkı müqaviləsi 2029-cu ilin iyun ayının sonuna qədər qüvvədədir.
